Еуропада 700 мыңнан астам мигрант босқын мәртебесін алды

БРЮССЕЛЬ. ҚазАқпарат - Өткен жылы 700 мыңнан астам тұрғылықты мекен іздеуші Еуропалық одақтан араша тапты. Бұл көрсеткіш 2015 жылмен салыстырғанда екі есеге аз, деп хабарлайды «ҚазАқпарат» ХАА меншікті тілшісі «Евростат» еуропалық статистикалық бюросына сілтеме жасап.

2016 жылы ЕО араша тапқандар саны 710,4 мың адамды құрады. Оның 57 пайызы (405,6 мың адам) сириялықтар, одан кейін ирактықтар (65,8 мың) және ауғандықтар (61,8 мың) саны басым болып шықты.

Германия 445 мың босқынды қабылдады, бұл 2015 жылмен салыстырғанда 3 есеге көп. Екінші орында Швеция (69,4 мың), одан кейінгі орындарда Италия (35,5 мың), Франция (35,2 мың) және Австрия (31,8 мың) тұр.

Балқан және Оңтүстік Азия мигранттарын кері қайтарған Еуропалық одақ сириялықтардың 98 пайызына баспана берген.