Еуропалық Кеңес €800 миллиард көлеміндегі қайта қарулану жоспарын мақұлдады
АСТАНА.KAZINFORM — Бейсенбі күні кешке Брюссельде Еуропалық Одаққа мүше 27 мемлекет басшыларының төтенше саммиті аяқталды, деп хабарлайды Kazinform тілшісі.
Шұғыл тұжырымдама Еуропа үшін осы кезеңдегі тағдырлы мәселелерді талқылауды көздеді — бұл Украинаның қорғаныс қабілетін нығайту және қолдау. Екі тақырып та Брюссель үшін АҚШ-тың жаңа басшылығының Киевке әскери көмек көрсетуді және Украинамен барлау алмасуды тоқтату туралы шешімдерінен кейін өзекті бола түсті.
Талқылау нәтижесінде ЕО басшылары қорғаныс қабілетін нығайту және Украинаны одан әрі қолдау бойынша бірлескен коммюнике шығарды. Алайда, Венгрия соңғы құжатқа қол қоюдан бас тартты, оның премьер-министрі Виктор Орбан ЕО-ның жалпы ұстанымына келіспейтіндігін білдірді.
— Америкалықтар Украинаны қолдауды тоқтатты. Еуропалықтардың едәуір бөлігі америкалықтардың орнын басқысы келеді. Келісім жоқ. Пікірталас жалғасады, — деп жазды В. Орбан Facebook әлеуметтік желісінде.
Барлық көшбасшы осы аптаның басында Еуропалық комиссияның басшысы Урсула фон дер Ляйен ұсынған және континентті қайта қаруландыруға бағытталған бес тармақты бастама туралы блоктың ұжымдық қорғанысын нығайту туралы мәлімдемелер жасады.
Еурокомиссия басшысының бастамасы «ReArm Europe» («Еуропаны қайта қаруландыру») деп аталады. Жоспар 800 миллиард еуро бөлуді, оның ішінде ЕО елдерінің әскери әлеуетін нығайту үшін 150 миллиард еуро несие тартуды көздейді. Негізгі аспект ЕО-ға мүше елдер ЕО-ның бюджеттік тәртіп нормаларын бұзғаны үшін Еурокомиссия тарапынан айыппұл салынбай, қорғанысқа қосымша шығындарды өз мойнына алуы үшін фискалдық ережелерді жеңілдету болуы тиіс.
Еуроодақ сондай-ақ «қарыздың тұрақтылығын қамтамасыз ете отырып, барлық мүше мемлекеттерде ұлттық деңгейде қорғанысқа жұмсалатын шығындарды едәуір арттыруға ықпал ету үшін» жаңа қорларды бұғаттан шығаруды тапсырды.
Сонымен қатар, ЕО көшбасшылары Еуропалық комиссияға «барлық мүше мемлекеттерге ұсынылатын қосымша мүмкіндіктер мен ынталандыруларды қоса алғанда, ЕО деңгейінде қорғанысты қаржыландырудың қосымша көздерін ұсынуды» тапсырды.
Саммитке Украина президенті Владимир Зеленский қатысты, ол Франция, Италия және Бельгия басшыларымен жеке кездесу өткізді.
Айта кетелік Брюссельде Еуропалық Одақтың шұғыл саммиті жұмысын бастайтынын жазған едік.
