Еуропалық Одақ тарихта алғаш рет Дипломатиялық академия құрады
АСТАНА. KAZINFORM – Еуропалық кеңес еуропалық дипломаттарды даярлайтын Еуроодақ тарихындағы тұңғыш Дипломатиялық академияны құру туралы шешім қабылдады.
Еуропалық Одақтың Дипломатиялық Академиясы (EUDA) ЕО-ның әлемдегі рөлі туралы ортақ түсінікті дамыту және ілгерілету, дипломатиядағы озық тәжірибені «еуропалық дипломатиялық корпус» рухында тарату және дипломатиялық рухты нығайту мақсатында мүше мемлекеттердің дипломаттары мен институттары қызметкерлерінің білім алуы мен даярлануын қамтамасыз етеді.
Еуропалық Кеңес мәлімдемесінде академия ЕО-ның қағидаттарын, мақсаттарын, құндылықтарын, мүдделерін және жаһандық рөлін тереңірек түсінетін, Брюссельде, ЕО делегацияларында немесе өздерінің ұлттық құрылымдарында ЕО мәселелерін шешуде және оның стратегиялық міндеттерін шешуде тиімді жұмыс істей алатын «еуропалық дипломаттардың сыни тобын құруға» үлес қосатыны айтылған.
Білім беру 2024-2025 және 2027-2028 жылдар аралығындағы төрт оқу жылын қамтитын ЕО-ның сыртқы қызметінде білім беру және оқытуда көп жылдық тәжірибесі бар атақты институт Еуропа колледжімен серіктестікте жүзеге асырылады.
EUDA сыртқы істер және қауіпсіздік саясаты жөніндегі Жоғарғы өкілдің басшылығымен жұмыс істейтін болады. Оны әрбір мүше мемлекет тағайындайтын бір өкілден, сондай-ақ Еуропалық Парламенттің, Кеңес пен Комиссияның өкілдерінен тұратын Басқару комитеті басқарады.
2024 жылғы 1 шілдеден 2025 жылғы 30 маусымға дейінгі кезеңге арналған оқу бағдарламасының шығындарын жабуға арналған негізгі қаржылық сома 1,7 млн еуродан сәл асады.
