Еуропалық парламент пен Еуропалық комиссия өзара ынтымақтастығын нығайтады
АСТАНА. KAZINFORM - Дүйсенбі күні Еуропарламент пен Еурокомиссия 2010 жылғы Ведомствоаралық негіздемелік келісімді қайта қарау туралы бірлескен мәлімдеме жасады, деп хабарлайды Kazinform агенттігінің меншікті тілшісі.
Еуропарламент төрағасы Роберта Метсола мен Еуропалық комиссия төрағасы Урсула фон дер Ляйен ЕО-ның заң шығарушы және атқарушы органдары арасындағы ынтымақтастықты нығайтуға бағытталған бірқатар жаңа қағидаттар туралы келісімді жариялады.
«Мекемеаралық негіздемелік келісімді қайта қарау біздің институттар арасындағы қарым-қатынасты нығайтады, ашықтық пен жақсы диалогты қамтамасыз етеді. Бұл біздің ұйымдарға тиімдірек жұмыс істеуге және азаматтарымызға құндылық беруге көмектеседі. Саяси келісімге қол жеткізілгеннен кейін техникалық деңгейдегі жұмыс дереу басталады», - делінген бірлескен мәлімдемеде.
Келісілген саяси ұстанымдар Еуропарламент пен Еурокомиссия арасындағы қарым-қатынас туралы 2010 жылғы негіздік келісімді қайта қарауға негіз болады.
Сонымен қатар, Еурокомиссия бюджет мәселелері бойынша институтаралық ынтымақтастықты нығайтуды жалғастырады және мазмұны ЕО-ның үш институтымен келісілуі тиіс жаңа Мекемеаралық келісім бойынша ұсыныс енгізеді.
