Еуропалық құрамалар әлем чемпионатында соңғы 10 ойында жеңілген жоқ
ҚЫЗЫЛОРДА. ҚазАқпарат – Бүгін футболдан әлем чемпионатында 3-орын үшін ойын өтеді. Айта кетсек, соңғы 19 ойынның 18-де қола жүлде иесі негізгі кезеңде анықталған, деп хабарлайды ҚазАқпарат тілшісі.
Тек 1986 жылы қола жүлде үшін кездесуде Франция құрамасы Бельгиямен негізгі кезеңде 2:2 есебімен тең түсіп, овертаймда қарсыласын қапы қалдырды.
Хорватиялық футболшылар әлем чемпионаты финалдық сатысында Африка құрлығынан келген үш құрамамен кездесуінде бірде- бір гол жіберген жоқ. Топтық кезеңде 2014 жылы Камерунды 4:0, 2018 жылы Нигерияны 2:0 есеюімен жеңген еді.
Ал Мароккомен 2022 жылы топтық кезеңде 0:0 есебіне қанағат білдірді.
Айта кетсек, 3-орын үшін соңғы 10 кездесуде еуропалық құрамалар жеңімпаз атанған.
Қола жүлде алған құрамалар тізімі төмендегіше:
1982 - Польша
1986 - Франция
1990 - Италия
1994 - Швеция
1998 - Хорватия
2002 - Түркия
2006 - Германия
2010 - Германия
2014 - Нидерланд
2018 - Бельгия
Еске салсақ, бүгін, 17 желтоқсанда елорда уақытымен сағат 21:00-де 3-орын үшін Хорватия және Марокко кездесуі «Qazaqstan» және «Qazsport» телеарналарынан тікелей эфирде көрсетіледі.
