Event tourism Астанадағы туризм трендтерінің біріне айналды
АСТАНА.KAZINFORM – Бүгінгі таңда туристер Астанаға тек жергілікті көрікті жерлерді көру үшін ғана келмейді, соңғы жылдары Қазақстан астанасында оқиғалы туризм сегменті өсіп келеді. Бұл туралы осы күндері Бейжіңде өтіп жатқан China outbond Travel& tourism Market (COTTM) және "Астана-Бейжің 2024 Роуд — шоуы" ірі туристік көрмесінің алаңындағы қазақстандық туроператорлар айтып берді, деп хабарлайды Бейжіңдегі меншікті тілшіміз Руслан Сүлейменов.
«Empire Travel Qazaqstan» туроператорлық компаниясының бас директоры Мейрамгүл Балғожинаның айтуынша, Қытайдағы Қазақстанның туризм жылы аясында келу туризмі саласындағы ағымдағы жылдың трендерінің бірі — «іс-шара туризмінің» өркендеуі болды. Яғни Қазақстан Республикасындағы конференцияларға, көрмелерге, спорттық іс-шараларға арналған турлар ұйымдастыру.
— Биыл біз үстел теннисінен 27-ші Азия чемпионатының ресми туроператоры болдық. Біз Қытайдан осы спорт түріне әуес 300-ден астам туристерді кездестірдік. Мұндай спорттық іс-шаралар қытайлық туристердің назарын аударады, - деді ол.
Биыл Қазақстан астанасында Шанхай ынтымақтастық ұйымының (ШЫҰ) Саммиті, 5-ші Дүниежүзілік көшпенділер ойындары, үстел теннисінен 27-ші Азия чемпионаты, «Сараптамалық орталықтардың Астана форумы» және тағы басқалар сияқты ірі шаралар өтті.
Қазақстан астанасының туристік әлеуетін ашатын «Астана-Бейжің 2024 Роуд-шоу» алаңы ҚХР туристік индустриясының қызығушылығын тудырды.
Бұл шараға қазақстандық туроператорлардың, туристік агенттіктердің және қонақүй бизнесінің өкілдері қатысты. Бағдарламаға роуд-шоулар мен B2B кездесулері кірді, олар ынтымақтастық перспективаларын талқылаудың және Қытай нарығында қазақстандық туризмді ілгерілетудің негізгі элементтері болды.
Осы шара аясында Қазақстан мен Қытайдың туристік саласы арасында ынтымақтастық туралы 7 келісімге қол қойылды.
Ұйымдастырушылар Астана қаласының әкімдігі, Қазақстан Республикасының ҚХР-дағы Елшілігі және Visit Astana туристік брендімен Астана даму орталығы болды.
Естеріңізге сала кетейік, 2024 жыл Қытайда Қазақстанның туризм жылы, ал 2025 дыл Қазақстандағы Қытай туризміның жылы болып жарияланған болатын. Оның аясында Қытайдың бірқатар қалалары мен провинцияларында 20-дан астам түрлі іс-шаралар өткізілді.
Бұған дейін Қытайда өткен туристік көрмеде Қазақстанның ғарыштық туризмі таныстырылған болатын.
