FIFA блокчейнді қарастырады: Инфантино футбол жанкүйерлері үшін жаһандық токенді ұсынады

АСТАНА. KAZINFORM — FIFA президенті Джанни Инфантино ұйым өзінің криптовалюталық токенін шығаруы мүмкін екенін айтты.

Өткен аптада Ақ үйде АҚШ Президенті Дональд Трамп қатысқан криптовалютаға байланысты саммитте сөз сөйлеген ол FIFA өзінің жаһандық фанбазасы үшін цифрлық токен шығаруға қызығушылық танытып отырғанына тоқталды.

— FIFA Америкада FIFA coin әзірлеу бойынша ерекше қызығушылық танытып отыр. Бұл бүкіл әлемдегі 5 миллиард жанкүйерді қамтиды. FIFA-мен серіктес болғысы келетіндер үшін біз ашықпыз. Америка Құрама Штатымен бірге біз футбол әлемін бағындыра аламыз, — деді Инфантино.

Бұл жайлы әзірге егжей-тегжейлі айтылған жоқ. Іске қосу мерзімі белгісіз. FIFA блокчейнді жанкүйерлермен өзара байланыс жасау және табыс табу құралы ретінде қарастыратынын көрсетеді.

Бұған байланысты Трамп оң пікірін білдіріп, токен FIFA-ның өзінен гөрі қымбатқа түсуі мүмкін екенін тілге тиек етті. Бұл өте перспективалы монета болуы мүмкін.

Саммиттен кейін FIFA деп аталатын аффилиирленбеген криптовалюта бір күнде 357 000%-ға өскен. Оның FIFA-мен ешқандай байланысы жоқ. Ол бойынша нарықтық капиталдандыруға 8,2 миллион долларға жетті.

Инфантиноның хабарландыруы АҚШ, Канада және Мексика бірлесіп ұйымдастыратын 2026 жылғы футболдан әлем чемпионатына дайындық ретінде FIFA-ның криптовалютаға деген қызығушылығын көрсетеді.

АҚШ президенті Дональд Трамп бұған дейін Bitcoin стратегиялық резервін құру туралы жарлыққа қол қойғаны еді. Саммит барысында үкіметке салық төлеушілердің қаражатын тартпай-ақ криптовалютаға иелік етуге мүмкіндік беретін АҚШ-тың Стратегиялық Bitcoin-резервін қалыптастыру жоспары ұсынылды.

Еске салсақ, бұдан бұрын ФИФА 2025 жылғы клубтар арасындағы әлем чемпионатының кубогын таныстырды.