ФИФА Халықаралық матчтарға қазылық ететін төрешілер тізімін бекітті

АЛМАТЫ. 3 қаңтар. ҚазАқпарат /Ерлік Ержанұлы/ - Жаңа жыл қарсаңында  ФИФА 2012 жылғы халықаралық турнирлерге қазылық ететін төрешілердің тізімін бекітті.

ҚР Футбол федерациясының хабарлауынша, оған Қазақстаннан 22 рефери, еніп отыр. Оның 11-і бас төреші, 11-і ассисент.  Бас  қазылар арасында үлкен футболдан  - Артем Кучин, Александр  Гаузер,  Анатолий Вишниченко,  Павел Салий,  шағын футболдан - Олжас Абраев,  Алмас Аббасов, жағажай футболынан -  Владимир Шаяхметов, Олег Бурмистров,  Архат Жұмашев, әйелдер футболынан - Юлия Медведева мен  Ирина Гаврилова бар. Ал қазылардың көмекшілерінен - Евгений Бельский,  Андрей Попов,  Рустам Суюнов,  Анатолий Ходин,  Ғалымжан Кенжалинов, Серік   Жаппасбаев,  Сергей Васютин және   Елена   Авдеенко,  Лилия Каримова,  Татьяна Попова,  Кристина Янушкевич еніп отыр.