Фирма менеджеріне қарақшылық шабуыл жасады деген күдікпен Ақтауда жергілікті үш тұрғын қамауға алынды

ҚР ІІМ мәліметіне қарағанда, қазан айының басында сағат шамамен 15.00-де Ақтау қаласы ІІБ кезекші бөліміне жәбірленуші мен оның әріптесі отырған «ВАЗ-2104» автокөлігіне қарақшылық шабуыл жасалғаны хабарланады. Күдіктілер жәбірленушіден ЖШС-нің 6 млн. теңгеден астам қаржысы бар сөмкені ұрлап кетеді. Жәбірленушілер әртүрлі дене жарақатымен ауруханаға жеткізіледі. Оқиға болған жерден травматикалық қарудың 2 патроны тәркіленді.
Жедел-іздестіру іс-шаралары кезінде күдіктілердің «Опель-Калибра» автокөлігінде жасырынғаны анықталды.
Шамамен сағат 17:00-де зауыттың күзетшісі автокөліктің өртеніп жатқаны туралы телефон арқылы хабарлайды. Ақпаратты тексеру кезінде автокөліктің күдіктілерге тиесілі екені белгілі болады. Қазіргі уақытта күдіктілер құрықталды, тергеу жалғасуда.