13:54, 20 Қазан 2017 | GMT +6
Флорида маңында мұхит түбінен алып пирамидалар табылды
АСТАНА. ҚазАқпарат - АҚШ-тың Флорида штатының жағалауларына жақын маңда, мұхит түбінен екі алып пирамида табылды. Google Maps және Google Earth сервистерінен алынған суреттерге қарап уфологтар осылай айтуда.
secureteam10 Youtube-арнасында осы жаңалық жайлы бейнебаян жарияланды, деп жазады Sun. Көп уақыттан бері әртүрлі ғажап құбылыстарды зерттеп жүрген Скотт есімді уфолог алып пирамидалар Нью-Провиденс аралының жанында, су астында жатқанын айтады.
Оның сөзіне қарағанда, пирамидалар анық көрініп тұр. Пирамидалардың болуы бұл төңіректі ежелден адамдар мекендегенін, тіпті ацтектер өркениеті болуы мүмкіндігін көрсетеді.