Фон дер Ляйен: Газадағы қантөгісті шұғыл тоқтату керек

АСТАНА. KAZINFORM—Келесі бес жылдағы бағдарламасын Страсбургте таныстыра отырып, Урсула фон дер Ляйен Таяу Шығыстағы қақтығыс туралы айтты, деп жазады Euronews.

— Газдағы қантөгісті шұғыл тоқтату керек, - деді Еурокомиссия төрағасы.

Депутаттар екінші мерзімге қайта тағайындаған Еуропа комиссиясының төрағасы Урсула фон дер Ляйен дауыс беру алдында өз бағдарламасын ұсынып, Таяу Шығыстағы жанжалға тоқталды.

Газа секторындағы соғыс он ай бойы жалғасып жатыр, халықаралық ұйымдардың өкілдері БҰҰ сарапшыларының пікірінше, бұл аймақтағы гуманитарлық жағдайдың ауыр екенін, ашаршылық Газаны түгел шарпығанын ескертті.

«Мен анық айтқым келеді: Газадағы қантөгісті дереу тоқтату керек. Израильдің ХАМАС лаңкестік әрекетіне жауап беруі нәтижесінде тым көп балалар, әйелдер мен бейбіт тұрғындар қаза тапты. Газа халқы бұдан былай шыдай алмайды», - деді Еуропалық комиссия төрағасы Урсула фон дер Ляйен.

Депутат бұл мәселе бойынша мыңдаған хаттар түскенін айтады. Оның айтуынша, сайлаушылар Халықаралық қылмыстық соттан Израиль премьер-министрін қамауға алуға ордер беруді талап етіп отыр. Дегенмен, Еуроодақ ішінде Таяу Шығыстағы қақтығысқа байланысты терең келіспеушілік сақталады, бұл Еурокомиссияның үнсіз жауабын білдіруі мүмкін.