Франция президенті Дональд Трампты жеңісімен құттықтады

АСТАНА. KAZINFORM — Франция президенті Эммануэль Макрон «Х» желісінде Дональд Трампты АҚШ президенті сайлауындағы жеңісімен құттықтайтынын жазды.

— Президент Дональд Трампты құттықтаймын. Біз төрт жыл бойы бірге жұмыс істеуге дайынбыз. Құрметпен және амбициямен. Бейбітшілік пен өркендеу үшін, — деп жазды Франция президенті француз тілінде.

Естеріңізге сала кетейік, Дональд Трамп АҚШ-тың 47-ші президенті болып сайланды. Сайлау қорытындысы бойынша Дональд Трамп жеңіске жету үшін қажетті 270 сайлаушы дауысынан асып, 277 дауыс жинады, деп хабарлайды Fox News.

Телеарнаның хабарлауынша, Харрис 226 дауыс жинады. Трамптың жеңісі туралы өкілдер палатасының спикері Майк Джонсон да мәлімдеді.

Дональд Трамп 39 жастағы Дж.Д. Вэнсті вице-президент қызметімен құттықтады.