Франция Сыртқы істер министрлігі Марсельдегі Ресей консулдығы маңында болған жарылысқа түсінік берді

АСТАНА.KAZINFORM - Франция Сыртқы істер министрлігі дүйсенбі күні таңертең Ресейдің Марсельдегі бас консулдығына жасалған шабуылды айыптады, деп хабарлайды Kazinform.

Бұл туралы ведомствоның баспасөз қызметі ТАСС агенттігінің сұранысына жауап ретінде мәлімдеді.

- Франция дипломатиялық өкілдіктердің қауіпсіздігіне жасалған кез келген шабуылды айыптайды, - деп хабарлады республиканың Сыртқы істер министрлігі.

Ведомство барлық дипломатиялық өкілдіктердің Вена конвенциялары бойынша дипломатиялық және консулдық қатынастарға сәйкес қорғалатынын атап өтті, «Франция оларды толық көлемде орындауға берік ниетті».

- Дипломатиялық және консулдық ғимараттар мен олардың персоналдарының қауіпсіздігі және тұтастығы халықаралық құқықтың негізгі ережелеріне жатады, - деп қосты министрліктің баспасөз қызметі.

Дүйсенбі күні, 24 ақпанда таңертең  Франциядағы Ресей консулдығы жанында жарылыс болған еді. Бірақ ғимаратқа зақым келтірілмеді. Зардап шеккендер жоқ.

Консулдық 8-ші аудандағы Амбруаз-Паре аумағында орналасқан. Округте басқа да консулдықтар, соның ішінде Египет, Тунис, Армения, Сан-Томе мен Принсипи консулдықтары бар. Оқиға орнында отызға жуық өрт сөндіруші мен полиция қызметкері бар.

Оқиға орнынан ұрланған көлік табылды.