Францияда 200-ден астам адам қамауға алынды

АСТАНА. KAZINFORM – Францияда «Барлығын бұғаттау» атты акция басталды. Қызметінен кетіп бара жатқан ішкі істер министрі Брюно Ретайоның айтуынша, ел бойынша шамамен 80 мың құқық қорғау органы қызметкерлері бронетехника мен тікұшақтардың көмегімен жұмылдырылған. 

 AZƏRTAC агенттігінің хабарлауынша, шамамен 200 адам қамауға алынған.

— Жағдайды шешу үшін елуге жуық шара қолданылды, — деп мәлімдеді Ішкі істер министрі отставкаға кетер алдында.

Бруно Ретайоның айтуынша, Лион қаласында полиция қызметкерлеріне шабуыл жасалған.

— Лионда полицейлерге қиыршық тас лақтыған. Бұл — кісі өлтіру. Мен полицияға қарсы өшпенділікке тап болған осы батыл Францияны толық қолдаймын, — деп жазды қызметінен кетіп жатқан ішкі істер министрі X желісінде.

Жаппай наразылық үкіметтің әлеуметтік-экономикалық саясатына, соның ішінде бағаның өсуіне және халықтың өмір сүру деңгейінің төмендеуіне байланысты туындап отыр. Елдің бірнеше ірі қаласында жағдай әлі де шиеленіскен күйде қалып отыр.

Айта кетелік Францияның жаңа премьер-министрі тағайындалған еді.