Францияда әйгілі Руан соборы өртке оранды
АСТАНА.KAZINFORM - Әлемдегі ең биік готикалық соборлардың бірі отқа оранды. Өрт ғимараттың құрылыс жұмыстары жүргізіліп жатқан бөлігінде шықты. Өрттің шығу себебі әлі анықталып жатыр, деп жазады BILD.
BFM телеарнасы таратқан хабардан Руан соборынан қара түтін шығып жатқанын көруге болады. Соборға келушілердің барлығы эвакуацияланды.
Францияның Руан қаласындағы готикалық собор XII-XVI ғасырларда тұрғызылған. Собордың металл шпилі XIX ғасырда салынған. Собордың биіктігі-151 метр. Ол Францияның Ұлттық мұра тізіміне енгізілген.
2019 жылдың 15 сәуірінде Париж Құдайанасының соборын өртке оранған. Екі сағаттың ішінде өрт собордың готикалық шпилін, витраждарын қиратып, шатырын құлатқан еді.
