Францияда өрт сөндіруші тікұшақ тоғанға құлады

АСТАНА. KAZINFORM — Morane 29 тікұшағы Францияның Финистер департаменті аймағындағы тоғанға құлады, деп хабарлайды Oxu.Az Le Parisien газетіне сілтеме жасап. 

Ұшқыш пен өрт сөндіруші кабинадан аман-есен шығып, аман қалды.

– Су алу кезінде тікұшақ су бетіне соғылды, бұл тікұшақтың апатқа ұшырауына әкелді, - деп хабарлады Финистер префектурасы.

Билік экипаждың жағаға аман-есен оралғанын айтты.

– Ұшқыш пен борттағы офицердің кәсібилігі, байсалдылығы мен батылдығы жоғары бағаға лайық, - деді префект Луи Ле Франк, департамент президенті Маэль де Калан және SDIS бірінші вице-президенті Жан-Марк Пюшуа.

Morane 29 тікұшағы өрт сөндіру үшін 2023 жылдан бері қолданылып келеді. Осы жазда ол 33 рет ұшуға қатысып, 154 су тасуды жүзеге асырды, бұл ондаған өртті сөндіруге және бүкіл Франция бойынша өрттің таралуын болдырмауға көмектесті.

Еске сала кетейік, Францияның оңтүстігіндегі орман өрті Париждің көлеміндей жерді шарпыды.