Франциядағы ереуілдер 26 компанияның жұмысын тоқтатты

АСТАНА. KAZINFORM — Францияда жаппай ереуіл алкогольдік өнімдер шығаратын 26 компанияның жұмысын тоқтатты, деп хабарлайды Kazinform BELTA агенттігіне сілтеме жасап.

Францияда жаппай ереуіл шарап, шампан, коньяк және басқа да алкогольдік сусындарды шығаратын 26 компанияның жұмысын тоқтатты. 

LCI телеарнасының хабарлауынша, Францияның солтүстік-шығысындағы Шампан-Арденна аймағындағы Ruinart және Malt & Chandon қызметкерлерінің 80%-ы ереуілге шықты. Олар басшылықтың жыл сайынғы сыйақыны алып тастау шешіміне наразылық ретінде жұмысын тоқтатты. 

— 1967 жылы аталмыш сыйлықақы енгізілгеннен бері мұндай жағдай бірінші рет болып тұр. Кәсіподақтар бұл төлемдерсіз жалақының жоғалуы шамамен 10-15%-ды құрайды деп есептейді. Сондықтан ол кейбір жұмысшылар үшін өте маңызды, - деп жазады басылым. 

Мәлімдемеде бонусты жою туралы шешім сектордағы нашар көрсеткіштерге байланысты болуы мүмкін екені баяндалған. 

Телеарнаның мәліметінше, бірінші тоқсанда саланың көрсеткіші 33%-ға төмендеген. Ал 2024 жылы бұл көрсеткіш 36%-ды құрады. Бұл Қытайдың франциялық коньяк импортына шектеу қоюымен, сондай-ақ жетекші экспорттық нарық АҚШ-та тұтынудың төмендеуімен байланысты екені айтылып отыр. 

Бұқаралық ақпарат құралдары мұндай ереуілдер сәнді тауарлар сегменті үшін сирек кездесетінін атап өтті.

Бұған дейін Францияда кезекті ұлттық ереуіл 2 желтоқсанға жоспарланғанын жазған едік.