Францияның жаңа премьер-министрі тағайындалды

АСТАНА. KAZINFORM - Франция президенті Эммануэль Макрон сейсенбіде Қарулы Күштер министрі Себастьен Лекорнюді өзінің жаңа премьер-министрі етіп тағайындады, деп хабарлайды France 24.

- Президент оған ел бюджетін қабылдау және алдағы айларда шешім қабылдау үшін қажетті келісімдерге қол жеткізу мақсатында Парламентте ұсынылған саяси күштермен консультациялар өткізуді тапсырды. Осы талқылаулардан кейін жаңа премьер-министр Республика Президентіне үкімет жобасын ұсынуы тиіс, - деді Президент Әкімшілігі.

Айта кетейік, 8 қыркүйекте француз депутаттары премьер-министр Байруға сенімсіздік білдірді.

Францияның келесі премьер-министрі кім болуы мүмкін екенін жазған едік.