Фристайл-акробатикадан әлем чемпионатында Қазақстан құрамасы 7-орын алды

АСТАНА. KAZINFORM – 27 наурызда Швейцарияның Энгадин қаласында өтіп жатқан әлем чемпионаты аясында фристайл-акробатикадан жарыстар басталды. Бұл туралы ҰОК хабарлады. 

Аталмыш спорт түріндегі алғашқы медальдар аралас командалық сайыста сарапқа салынды. Бұл додада Қазақстан құрамасының сапынан Аяна Жолдас, Дінмұхаммед Райымқұлов және Асан Асылхан сынға түсті. Отандастарымыз жалпы есепте 7-орынды иеленді. 

АҚШ құрамасы жеңіс тұғырынан көрінсе, екінші орынды Украина, ал Швейцария үздік үштікті түйіндеді. 

Айта кетейік, әлем чемпионатында 7 команда бақ сынады. 

Бұған дейін елордада конькимен жүгіру спортынан VI Қысқы Спартакиада өтіп жатқанын жазған едік.