Фристайл-могул: Анастасия Городко Әлем кубогында алтыншы орынға ие болды
АСТАНА. KAZINFORM — Бүгін Алматыдағы «Шымбұлақ» тау шаңғысы курортында фристайл-могулдан Әлем кубогының кезеңі басталды. Алағашқы жарыс күнінде қазақстандық Анастасия Городко алтыншы орынға ие болды.
Айта кетейік, спортшы негізгі финалға жолдама алған еді. Алайда жүлде үшін күресуге мүмкіндік болмады. Ауа райының қолайсыздығына байланысты жарысты ағымдағы кезеңдерде аяқтау туралы шешім қабылданды.
Нәтижесінде, әйелдер арасындағы орындар бірінші финалдың қорытындысы бойынша бөлінді. Онда Анастасия Городко алтыншы, ал Юлия Галышева жетінші болды.
Ерлер арасында бірінші финал толық аяқталмай қалды. Соңында Павел Колмаков бесінші орынға ие болды.
Аталған дода 2 наурызда мәресіне жетеді.
Бұл жарыста Қазақстан құрамасының атынан сегіз спортшы бақ сынап жатыр.
Атап айтар болсақ, бапкерлер Юлия Галышева, Анастасия Городко, Юлия Феклистова, Анастасия Ларионова, Павел Колмаков, Антон Бондарев, Федор Бугаков, Денис Раструба сынға түсіп жатыр.
Жарыс бағдарламасына сәйкес спортшылар могул, параллельді могул және шаңғымен акробатика сайыстарында сынға түседі.
Жарысқа Аустралия, Канада, Қытай, Франция, Жапония, АҚШ және Қазақстанды қоса алғанда жалпы 18 елден 100-ден астам спортшы келген.
Айта кетсек, осыған дейін Алматыда өтетін Әлем кубогында ел намысын кімдер қорғайтыны туралы жазған болатынбыз.
