ФУТБОЛ: Қызылордада Камал Шөкеновті еске алуға арналған турнир өтеді

ҚЫЗЫЛОРДА. ҚазАқпарат - 23-24 қаңтар күндері Қызылордадағы «Еуразия» спорт кешенінде қаржы саласының қызметкерлері арасында шағын футболдан Қазақстанға еңбек сіңірген экономист, Камал Шөкеновті еске алуға арналған облыстық турнир өтеді.

Оған Қызылорда қаласы мен аудандардан 9 команда қатысады, деп хабарлады облыстық дене шынықтыру және спорт басқармасының баспасөз қызметінен.

Командалар топқа бөлініп, жарыс айналмалы жүйемен өтеді. Бәсекеде жеңімпаз және жүлдегер командалар мен номинация иегерлері кубок, диплом және бағалы сыйлықтармен марапатталады.

Биыл төртінші мәрте өткізілетін турнирді облыстық дене шынықтыру және спорт басқармасы мен облыстық қаржы басқармасы ұйымдастырады.