Футбол: Ресей чемпионатының матчы 20 градус аязда өтеді
АСТАНА. ҚазАқпарат - «СКА-Хабаровск» пен мәскеулік ЦСКА арасындағы Ресей футбол премьер-лигасының 17-інші турының матчы 20 градус аязда өтеді.
Бұған Gismeteo сайтындағы синоптиктердің ауа райы болжамы дәлел.
Дерек көздеріне сүйенсек, кездесу басталар алдында Хабаровскіде минус 20 градус болады деп күтілуде, сезілетін ауа температурасы минус 24 градусқа дейін жетпек. Дегенмен екі команда да алаңға шығуға дайын.
Хабаровск клубының баспасөз қызметі Ленин атындағы алаңның матчқа әзір екенін мәлім етті.
