Футболдан 2023 жылғы Қазақстан кубогының жеребесі тартылды
Алғашқы кезеңде ойын көрсететін бірінші және екінші лига командалары рейтингтегі орнына байланысты төрт себетке бөлінді.
Жеребе қорытындысы бойынша келесі топтар құрылды:
«А» тобы: «Ақжайық» (Орал), «Алтай» (Өскемен), «Жас Қыран» (Алматы), «AKAS» (Алматы)
«В» тобы: «Тараз», «Жеңіс» (Астана), «Арыс» (Түркістан облысы), «Елімай» (Семей)
«С» тобы: «Қыран» (Шымкент), «Оңтүстік академиясы» (Шымкент), «SD Family» (Астана), «Ұлытау» (Жезқазған)
«D» тобы: «Тұран» (Түркістан), «Яссы» (Түркістан облысы), «Хан Тәңірі» (Алматы), «Жетісай» (Түркістан облысы).
Алғашқы кезеңнің плей-офф сатысында А және С, D және «В тобының жеңімпаздары өзара екі жолдаманы сарапқа салады.
Плей-офф кезеңінің екі жеңімпазы жарыстың негізгі кезеңінде Премьер-лигада ойнайтын 14 команда қатарына қосылады.
Ал Қазақстан Кубогының негізгі кезеңінің жеребесінде төмендегі командалар өзара кездеседі.
«Астана» - «Қайсар» (Қызылорда)
«Каспий» (Ақтау) - D-В топтарының жеңімпаздары жұбында жеңген команда
«Ордабасы» (Шымкент) - «Мақтаарал» (Түркістан облысы)
«Қызылжар» (Петропавл) – «Жетісу» (Талдықорған)
«Шахтер» (Қарағанды) - «Оқжетпес» (Көкшетау)
«Тобыл» (Қостанай) - «Ақсу» (Павлодар облысы)
«Ақтөбе» - «Атырау»
«Қайрат» - А-С топтарының жеңімпаздары жұбында жеңген команда Қазақстан кубогының 1/8 кезеңінен бастап қатысушылар өзара екі ойын өткізеді.
Жұптардағы алғашқы ойын рейтингте орны жоғары команданың алаңында өтеді.