Футболдан ӘЧ: Қазақстан бірінші кезеңнен кейін Лихтенштейнді жеңіп жатыр

АСТАНА. KAZINFORM - Футболдан Қазақстан құрамасы 2026 жылғы әлем чемпионаты іріктеу кезеңіндегі Лихтенштейнмен кездесуінде бірінші кезеңнен кейін жеңіп жатыр.

Лихтенштейн ФИФА рейтингінде 204-орында келеді. Әзірге ешқандай жоғары нәтижесімен көзге түскен жоқ.

Қазақстан құрамасының бас бапкері міндетін атқарушы Али Алиев алғашқы минуттан қақпада Мұхаммеджан Сейсен сенім білдірсе, қорғанысқа Ян Вороговский, Марат Быстров, Нұралы Әліп, Александр Марочкин, Сұлтанбек Астановты шығарды. Ал жартылай қорғаныста Георгий Жуков, Рамазан Оразов, Максим Самородов, Ислам Чесноков ойнаса, шабуыл шебінде Дастан Сәтпаев ойнап жатыр.

Бірінші кезеңде Лихтенштейн лайықты қарсылық көрсетті, Соған қарамастан Максим Самородов 42, Александр Марочкин 45-минутта екі гол соқты.

Осылайша бірінші кезеңнен кейін Қазақстан құрамасы қарсыласынан 2:0 есебімен басым түсіп жатыр.

Еске салсақ, алғашқы турда сырт алаңда Қазақстан Уэльске 1:3 есебімен жол берсе, Лихтенштейн Солтүстік Македониядан 0:3 есебімен жеңіліп қалды.