Футболдан әлем чемпионаты-2022: Бүгінгі ойында Қазақстан құрамында кімдер шығады
НҰР-СҰЛТАН. ҚазАқпарат - Бүгін футболдан 2022 жылғы әлем чемпионатына іріктеу сатысында төртінші ойынында Қазақстан Босния және Герцоговинаға қарсы құрамын жариялады, деп хабарлайды ҚазАқпарат тілшісі.
Бұл жөнінде Қазақстан футбол федерациясының баспасөз қызметі хабарлады.
Қос құрама арасындағы кездесуді Qazaqstan және Qazsport телеарналары елорда уақытымен 00:35-те тікелей эфирде көрсетеді.
Ұлттық құраманың бапкері Талғат Байсуфинов алғашқы минуттан қақпашы: Игорь Шацкий, қорғаушылар - Юрий Логвиненко, Сергей Малый, Александр Марочкин, Марат Быстров, Роман Вороговский, жартылай қорғаушылар - Асхат Тағыберген, Исламбек Қуат, Георгий Жуков, Владислав Васильев. шабуылшы Артур Шушеначевқа сенім артты.
Айта кетсек, бұған дейін екі құрама бірде-бір мәрте кездескен жоқ. Бүгін тұңғыш мәрте шеберлік байқасады.
Қазақстандық құрама іріктеу сатысында D тобында сынға түседі. Қарсыластары - Франция, Украина, Босния және Герцоговина, Финляндия.
Сондай-ақ, бүгін аталған топта Франция мен Финляндия құрамалары ойнайды.
Бұл топта бес ойыннан кейін 8 ұпай жинаған Франция көш басында келеді. Қазақстан, Босния және Герцоговина құрамалары төрт ойыннан кейін 2 ұпаймен бесінші орында тұр.
