Футболдан бірінші лигада «Хан тәңірі» командасы «Жетісайдан» басым түсті

АСТАНА. KAZINFORM - Футболдан Бірінші лиганың ХХV туры мәресіне жетті.

Аталған турдың екінші ойын күнінде алматылық «Хан тәңірі» командасы сырт алаңда Түркістан облысының «Жетісайын» 3:1 есебімен жеңді. Нәтижесінде турнир кестесінде бесінші орынға тұрақтап, үздік үштікте келе жатқан клубтарға жақындай түсті. Премьер-лигаға шығу мүмкіндігінен әлі де үміт үзген жоқ.

Ал «Екібастұз» (Павлодар облысы) бен «Тараз», «Түркістан» мен «SD Family» (Астана) 1:1 есебімен тең түссе, «Ақтөбе-2» Түркістан облысының «Арысына» 0:1 есебімен жол берді.

19 қыркүйекте Көкшетаудың «Оқжетпесі» ойламаған жерден сырт алаңда Өскеменнің «Алтай» командасына 0:1 есебімен есе жіберсе, Ақтаудың «Каспийі» Алматының «Қайрат-2» командасын 4:2, Оралдың «Ақжайығы» қызылордалық «Қайсар-2» клубын 1:0 есебімен қапы қалдырды.