Футболдан бірінші лигада «Каспий» алтыншы жеңісіне қол жеткізді

АСТАНА. KAZINFORM — Футболдан бірінші лига командалары арасындағы Қазақстан біріншілігі сегізінші турында «Каспий» алтыншы жеңісіне қол жеткізді.

Ақтаулық клуб өз алаңында Астананың «SD Family» командасын қабылдаған еді. Кездесу барысында қарсылас қақпасына жауапсыз екі гол соғып кетті.

Осылайша қарсыласын 2:0 есебімен тізе бүктірген ақтаулық ұжым турнир кестесіндегі жағдайын жақсарта түсті. Қазір олар 19 ұпаймен бірінші орында келеді.

Сондай-ақ, тағы бір кездесуде «Тараз» өз алаңында Павлодар облысының «Екібастұз» клубын 2:1 есебімен жеңсе, «Ақжайық» пен «Хан тәңірі» 0:0 есебіне қанағат білдірді.

Енді 23 мамырда «Қыран» (Шымкент) мен «Оқжетпес» (Көкшетау), «Алтай» (Өскемен) мен «Ақтөбе-2», «Ұлытау» (Жезқазған) мен «Қайрат-2» (Алматы), 24 мамырда «Жетісай» (Түркістан облысы) мен «Қайсар-2» (Қызылорда), «Tүркістан» мен «Арыс» (Түркістан облысы) командалары кездеседі.

Еске салсақ, бұдан бұрын грекиялық Акис Вавалис «Жеңіс» футбол клубына бас бапкер болды.