Футболдан ел біріншілігінде «Астана» Ақтауда «Каспийден» басым түсті
НҰР-СҰЛТАН. ҚазАқпарат – Бүгін, 10 қыркүйекте футболдан Премьер-лига командалары арасындағы ел біріншілігінің 19-турында тағы екі ойынның нәтижесі белгілі болды, деп хабарлайды ҚазАқпарат тілшісі.
Елордалық «Астана» сырт алаңда Ақтаудың «Каспий» командасымен кездесті. Ойын барысында елордалық команда сапынан Абат Айымбетов 29-минутта есеп ашса, 65-минутта Талғат Кусяпов есепті үстемелей түсті.
Дал қазір тағы бір кездесу аяқталды. Өз алаңында «Тараз» Павлодар облысының «Ақсу» командасымен кездесті. Кездесуде павлодарлық клубтан Мирас Тұрлыбек 18, Еркебұлан Тұңғышбаев 24-минуттарда мергендік танытты. Ойынның 94-минутында елордалық командадан Педро Эуженио кездесудің нүктесін қойды. Осылайша, «Астана» қарсыласынан 3:0 есебімен басым түсті.
Оған алаң иелерінен Марат Шахметов 36-минутта пенальтиден қысқартса, 43-минутта Жақып Қожамберді таразы басын теңестірді. Ал, 69-минутта «Ақсу» футболшысы Тони Сильва командасын алға шығарса, 82-минутта тараздық Абылайхан Жұмабек көздеген нысанадан мүлт кеткен жоқ. Павлодарлық Дамир Марат 96-минутта гол соғып, «Ақсуға» жеңіс алып келді. Нәтижесінде «Ақсу» қарсыласынан 4:3 есебімен басым түсті.
Еске салсақ, бұған дейін өз алаңында Оралдың «Ақжайығы» Қарағандының «Шахтеріне» 1:2 есебімен жол берді.
Айта кетсек, бүгін 20:00-де «Тобыл» (Қостанай облысы) мен «Атырау», «Мақтарал» (Түркістан облысы) мен «Ақтөбе» командалары кездеседі.
Ал, 11 қыркүйекте 16:00-де «Қызылжар» (Петропавл) мен «Ордабасы» (Шымкент) ойыны басталса, 20:00-де «Тұран» (Түркістан облысы) мен «Қайрат» (Алматы) жасыл алаңға шығады.
