Футболдан Еуропа чемпионаты қазақстандық қай телеарнадан көрсетілетіні белгілі болды

АСТАНА. KAZINFORM - Футболдан Еуропа чемпионаты қазақстандық қай телеарналардан тікелей эфирде көрсетілетіні анықталды.

Дүбірлі доданы тікелей эфирде көрсету құқығына «Қазақстан» телеарадиокорпорациясы ие болып отыр.

Қазақстандық жанкүйерлер ойындарды «Qazaqstan» және «Qazsport» телеарналарынан тікелей эфирде тамашалай алады.

Еуропаның үздік құрамаларының 51 кездесуі бір ай бойы екі арнадан көрсетіледі. Оған қоса Еуропа стадиондарында бір ай бойы корпорацияның арнайы шығармашылық тобы жұмыс істейді.

Құрамалардың топқа бөлінуі мынадай:

А тобы: Германия, Шотландия, Венгрия, Швейцария.

B тобы: Испания, Хорватия, Италия, Албания.

С тобы: Словения, Дания, Сербия, Англия.

D тобы: Польша, Нидерланд, Австрия, Франция.

E тобы: Бельгия, Словакия, Румыния, Украина

F тобы: Португалия, Грузия, Түркия, Чехия.

Финалдық кезең 14 маусымда Германия мен Шотландия кездесуімен ашылады. Финал 14 шілдеге белгіленген.