Футболдан Еуропа лигасы: Бүгін 1/8 финал басталады
НҰР-СҰЛТАН. ҚазАқпарат - Бүгін футболдан UEFA Еуропа лигасы 1/8 финалының алғашқы екі ойыны өткізіледі, деп хабарлайды ҚазАқпарат тілшісі.
Еске салсақ, жарыстың аталған сатысына «РБ Лейпциг» (Германия), «Севилья» (Испания), «Аталанта» (Италия), «Порту» (Португалия), «Бетис» (Испания), «Рейнджерс» (Шотландия), «Брага» (Португалия), «Барселона» (Испания) командалары жолдама алды.
Сондай-ақ, олардың қатарына топтық кезеңде бірінші орын алып, бірден 1/8 финалға шыққан «Байер» (Германия), «Галатасарай» (Түркия), «Црвена Звезда» (Сербия), «Спартак» (Ресей), «Лион» (Франция), «Айнтрахт» (Германия), «Вест Хэм Юнайтед» (Англия), «Монако» (Франция) командалары қосылды.
1/8 финалдағы қарсыластар төмендегіше:
9 наурыз
«Порту» – «Лион»
«Бетис» – «Айнтрахт»
10 наурыз
«Аталанта» – «Байер»
«Барселона» – «Галатасарай»
«Рейнджерс» – «Црвена Звезда»
«Севилья» – «Вест Хэм Юнайтед»
«Брага» – «Монако»
Жарыстың аталған кезеңінде Германияның «РБ Лейпциг» командасы Ресейдің «Спартак» клубымен кездесуі тиіс болатын. FIFA және UEFA шешімімен Ресей құрамасы мен барлық командасы барлық турнирден шеттетілді. Сондықтан германиялық клуб 1/4 финалға бірден жолдама алды.
Қарымта ойындар 17 наурызға белгіленген.
Финал 22 мамырда Испанияның «Рамон Санчес Писхуан» стадионында болады.
