Футболдан Қазақстан әйелдер құрамасының Ұлттар лигасындағы ойын кестесі анықталды
АСТАНА. KAZINFORM - Футболдан Қазақстан әйелдер құрамасының UEFA Ұлттар лигасындағы ойын кестесі анықталды.
Жеребе қорытындысы бойынша біздің құрама C лигасының алтыншы тобына түсті. Бұл топта отандастарымыз Армения және Черногория құрамаларымен күш сынасады.
Жарыс 2027 жылдың ақпан айында басталады. Топ жеңімпазы B лигасына көтерілу мүмкіндігіне ие болады.
Жеребе алдында Қазақстан әйелдер ұлттық құрамасы С лигасында екінші себетке орналасты.
Бұл кезеңдегі ойындар 2027 жылдың 2 наурызы мен 15 маусымы аралығында өткізіледі. Отандастарымыз алғашқы кездесуінде 2 наурызда сырт алаңда Армениямен жасыл алаңға шықса, 20 сәуірде аталған қарсыласын өз алаңында қабылдайды.
Одан кейін 24 сәуірде өз алаңында Черногориямен ойнаса, 11 маусымда олармен сырт алаңда шеберлік байқасады.
С лигасындағы құрамалардың орналасуы төмендегіше:
Бірінші топ: Словакия, Хорватия, Болгария, Гибралтар
Екінші топ: Латвия, Әзербайжан, Грузия, Лихтенштейн
Үшінші топ: Израиль, Фарер аралдары, Солтүстік Македония, Андорра
Төртінші топ: Люксембург, Босния және Герцеговина, Эстония, Сан-Марино
Бесінші топ: Мальта, Молдова, Кипр
Алтыншы топ: Черногория, Қазақстан, Армения.
UEFA жеребе рәсіміне сәйкес, С лигасында 22 құрама алты топқа бөлінді. Оның төртеуінде төрт, қалған екеуінде үш командадан ойын көрсетеді.
Сондай-ақ А және В лигаларында құрамалар төмендегіше бөлінген.
А лигасы
Бірінші топ: Испания (қазіргі чемпион), Норвегия, Ирландия, Швейцария
Екінші топ: Франция, Англия, Аустрия, Португалия
Үшінші топ: Дания, Италия, Исландия, Уэльс
Төртінші топ: Германия, Нидерланд, Швеция, Шотландия.
В лигасы
Бірінші топ: Сербия, Бельгия, Албания, Румыния
Екінші топ: Украина, Чехия, Грекия, Литва
Үшінші топ: Польша, Финляндия, Солтүстік Ирландия, Беларусь
Төртінші топ: Словения, Түркия, Венгрия, Косово.