Футболдан Қазақстан кубогы іріктеу сатысының финалына қай командалар шықты

АСТАНА. KAZINFORM - Футболдан Қазақстан кубогы іріктеу кезеңінің финалына шыққан барлық команда анықталды.

футбол
Фото: Мақсат Шағырбаев/ Kazinform

Жарыстың аталған сатысындағы жеңімпаз команда бір ойынның нәтижесімен аяқталды.

Жартылай финалда 18 наурызда алматылық «Хан тәңірі» Жамбыл облысының «Таласын» 2:0, Павлодар облысының «Екібастұзы» өскемендік «Алтайды» 1:0 есебімен жеңді.

Бүгін, 19 наурызда ақтаулық «Каспий» алматылық AKAS командасын 1:0, павлодарлық «Каспий» астаналық «SD Family» клубын 2:1 есебімен қапы қалдырды.

Енді финалда 23 наурызда «Хан тәңірі» мен «Екібастұз», «Каспий» мен «Ертіс» шеберлік байқасады. 

Финалда жеңімпаз атанған командалар Қазақстан кубогының 1/8 финалына жолдама алады. Жарыстың аталған сатысындағы ойындар 12 және 13 сәуір күндері өткізіледі. 

Еске салсақ, футболдан 17 жасқа дейінгі Қазақстан жасөспірімдер құрамасы Еуропа чемпионаты екінші іріктеу сатысын сәтті бастады.

Соңғы жаңалықтар