Футболдан Қазақстан кубогы: Алғашқы екі кезеңнің жеребесі тартылды
НҰР-СҰЛТАН. ҚазАқпарат - Футболдан Қазақстан кубогының алғашқы екі кезеңінің жеребесі тартылды, деп хабарлайды ҚазАқпарат тілшісі.
Айта кетейік, аталған турнирдің алғашқы кезеңдеріне бірінші және екінші лиганың 14 футбол клубы қатысады.
Жеребе бойынша бірінші іріктеу кезеңінде «Игілік» (Жамбыл облысы) - СДЮСШОР № 8 (Нұр-Сұлтан), «Екібастұз» (Павлодар облысы) - «Ақсу» (Павлодар облысы) , «SD Family» (Нұр-Сұлтан) - «Қыран» (Шымкент), «Жас Қыран» (Шымкент) - «Мақтаарал» (Түркістан облысы), «Оқжетпес» (Көкшетау) - «Жеңіс» (Нұр-Cұлтан) командалары кездеседі.
Екінші іріктеу кезеңінде «Рузаевка»-«Яссы-Түркістан» жұбының жеңімпазы «Оңтүстік академиясы» (Шымкент), «Игілік»-СДЮСШОР № 8 жұбының жеңімпазы «Алтай» (Шығыс Қазақстан облысы) клубтарымен шеберлік байқасады. Ал «Екібастұз»-«Ақсу» жұбының жеңімпазы «SD Family»-«Кыран», «Жас Қыран»-«Мақтаарал» жұбының жеңімпазы –«Оқжетпес»-«Жеңіс» жұптарының жеңімпазымен ойнайды.
Алғашқы екі кезеңде жеңімпаз бір ойын қорытындысы бойынша анықталады. Кездесулер жұпта бірінші көрсетілген командалардың алаңында өтеді.
Алғашқы кезеңнің барлық ойыны 22 сәуірде болады. Ал екінші кезеңнің ойындары 1 мамырға жоспарланған.
