Футболдан Қазақстан кубогы үшін жарыстың 1/8-ші финалының жеребесі тартылды

АСТАНА. Мамырдың 1-і. ҚазАқпарат /Ернұр Ақанбай/ - Футболдан Қазақстан кубогы үшін жарыстың 1/8-ші финалының жеребесі тартылды,

деп хабарлайды ҚазАқпарат.Қазақстан футбол федерациясының мәліметінше, жеребенің нәтижесінде Талдықорғанның «Жетісу» және Атыраудың «Атырау» клубтары келесі кезеңге талассыз өтті. Ал, ширек финалға шығу үшін бұл кезеңде «Восток» (Өскемен)-(Қызылжар» (Петропавл), «Ертіс» (Павлодар)-«Ордабасы» (Шымкент), «Шахтер» (Қарағанды)-«Оқжетпес» (Көкшетау), «Ақтөбе» (Ақтөбе)-«Локомотив» (Астана), «Қазақмыс» (Сәтбаев) -«Қайсар» (Қызылорда), «Тобыл» (Қостанай)-«Тараз» (Тараз) командалары кездеседі. Алғашқы ойындар мамырдың 20-сында бірінші көрсетілген командалардың алаңдарында өтеді. Ал, қарымта кездесулер маусымның 23-інде болады. Екі ойынның қорытындысы бойынша жеңімпаз атанған клубтар ширек финалға шығады.