Футболдан Қазақстан жастар құрамасы Англияға қарсы ойынға дайындығын бастады

АСТАНА. KAZINFORM - Футболдан Қазақстан 21 жасқа дейінгі жастар құрамасының 2027 жылғы Еуропа чемпионатының іріктеу кезеңі аясында Англияға қарсы кездесуге шақырылған ойыншылар тізімі белгілі болды.

Аға бапкер Денис Мамонов жетекшілік ететін құраманың оқу-жаттығу жиыны 31 тамызда Алматы қаласында басталады. Құрамға 24 ойыншы енді.

Қақпашылар: Нұралы Нұрғалиев («Шахтер»), Дулат Талыспаев («Кёге», Дания), Әбілқайыр Алиакбар («Алтай»);

Қорғаушылар: Сұлтан Асқаров, Рамазан Кәрімов (екеуі де – «Жетісу»), Әли Тұрғанов («Оңтүстік Академиясы»), Александр Мрынский («Қайрат»), Әлихан Серікбай («Каспий»),Темірлан Мырзағалиев, Никита Губарев (екеуі де – «Қайсар»), Бахтияр Төлеуов («Ертіс»);

Жартылай қорғаушылар: Давид Есімбеков («Жетісу»), Олжас Байбек («Қайрат»), Әбинұр Нұрымбет, Тамерлан Ағыманов (екеуі де – «Ертіс»), Вячеслав Раскатов («Каспий»), Нұралы Жақсылық («Астана»), Аян Байдәулетов («Ақтөбе»);

Шабуылшылар: Глеб Валгушев («Қызылжар»), Сэйф Попов («Алтай»), Ян Труфанов («Атырау»), Мағжан Тоқтыбай («Оңтүстік Академиясы»), Артем Литош («Шахтер»), Рамазан Бағдат («Қайрат»);

Айта кетсек, Қазақстан жастар құрамасы 2027 жылғы Еуропа чемпионаты іріктеу кезеңінде D тобында сынға түседі. Қарсыластары - Англия, Ирландия, Словакия, Молдова және Андорра құрамалары. 

Отандастарымыз алғашқы кездесуде Андорраны 1:0 есебімен ұтып, жеңіспен бастады.

Іріктеу турнирінің екінші матчын Денис Мамоновтың шәкірттері 8 қыркүйекте Ақтөбе қаласында Англия жастар құрамасына қарсы өткізеді. Ойын Астана уақытымен 20:00-де басталады.