Футболдан UEFA Конференция лигасы 1/8 финалының жеребесі тартылды
НҰР-СҰЛТАН. ҚазАқпарат - Футболдан UEFA Конференция лигасы 1/8 финалының жеребесі тартылды, деп хабарлайды ҚазАқпарат тілшісі.
Жарыстың 1/8 финалына «Олимпик Марсель» (Франция), «Партизан» (Сербия), «Славия Прага» (Чехия), «Лестер» (Англия), «Бодо-Глимт» (Норвегия), ПСВ (Нидерланды), «Витесс» (Нидерланды), ПАОК (Грекия) командалары шықты. https://kaz.inform.kz/news/futboldan-konferenciya-ligasy-shirek-finalga-kay-komandalar-shykty_a3904179
Сондай-ақ, олардың қатарына топтық кезеңде бірінші орын алып, бірден 1/8 финалға шыққан «Базель» (Швейцария), «Ренн» (Франция), «Гент» (Бельгия), «Рома» (Италия), «Копенгаген» (Дания), ЛАСК (Австрия), АЗ «Алкмаар» (Нидерланды), «Фейенорд» (Нидерланды) командалары қосылды.
1/8 финалдағы қарсыластар төмендегіше:
«Олимпик Марсель» - «Базель»
«Лестер» - «Ренн»
ПАОК - «Гент»
«Витесс» - «Рома»
ПСВ - «Копенгаген»
«Славия Прага» - ЛАСК
«Бодо-Глимт» - АЗ
«Партизан» - «Фейеноорд»
Енді 1/8 финал ойындары 10 және 17 наурыз күндері өткізіледі. Финал 22 мамырда Албанияның Тирана қаласындағы «Комбетаре» стадионында болады.
