Футболдан Ұлттар лигасында Испания қатарынан екінші мәрте тең түсті

НҰР-СҰЛТАН. ҚазАқпарат - Футболдан UEFA Ұлттар лигасында екінші турдың алғашқы ойын күні өтті, деп хабарлайды ҚазАқпарат тілшісі.

Бұл күнгі басты кездесу А лигасы екінші тобындағы Чехия мен Испания арасында өтті.

Кездесу барысында чехиялық Якуб Пешек 4-минутта есеп ашса, оған испаниялық Гави 45-минутта бір голмен жауап қайырды. Ал Ян Кухта 66-минутта қайтадан Чехияны алға шығарса, Иньиго Мартинес 90-минутта таразы басын теңестірді.

Осылайша құрамалар 2:2 есебіне қанағат білдірді. Испания екі ойын қатарынан тең ойнап, небәрі екі ұпай жинады.

Аталған топтағы Португалия Швейцарияны 4:0 есебімен сүріндірді.

Бұл күнгі қалған ойындар нәтижесі төмендегіше:

В лигасы 4 топ

Сербия - Словения 4:1

Швеция - Норвегия 1:2

С лигасы 2 топ

Кипр - Солтүстік Ирландия 0:2

Косово -Грекия 0:1

С лигасы 4 топ

Гибралтар - Солтүстік Македония 0:2

Болгария - Грузия 2:5

D лигасы 2 топ

Сан-Марино - Мальта 0:2

6 маусымда екінші турдың екінші ойын күні өткізіледі.

Еске салсақ, Қазақстан құрамасы Словакиямен кездеседі.