Футзал: Албания мен Арменияға қарсы матчта кімдер сынға түседі

АСТАНА. KAZINFORM — Футзалдан Қазақстан ұлттық құрамасының бас бапкері Пауло Рикардо Кака 2026 жылғы Еуропа чемпионатына іріктеу кезеңіндегі және Арменияға қарсы өтетін соңғы матчтарға шақырылған ойыншылардың тізімін жариялады.

Ертең, яғни 7 наурыз күні Қазақстан футзал құрамасы Еуро-2026 іріктеу кезеңі аясында Астана қаласындағы Жақсылық Үшкемпіров атындағы жекпе-жек сарайында Албанияны қабылдайды. Жарыс 19:00-де басталады.

12 наурызда құрама Арменияға қарсы Ереванда соңғы әрі шешуші ойынын өткізеді. Екінші матчтың басталуы – Астана уақытымен 20:00.

Қазақстан құрамасының сапына 16 ойыншы шақырту алды. Жарақатына байланысты құрамға Лео Игита мен Дуглас Жуниор шақырылған жоқ.

Қақпашылар: Рауан Атантаев («Семей»), Нарун Серіков («Қайрат»), Рауан Сисенғалиев («Аят»);

Алаңдағы ойыншылар: Біржан Оразов, Дәурен Тұрсағұлов, Арнольд Кнауб, Жахангір Рашит, Дамир Қайырбай (бәрі – «Қайрат»), Шыңғыс Есенаманов, Ақжол Дәрібай, Ержан Карменов (бәрі – «Семей»), Лео Мендонка (РФШ, Латвия), Азат Валиуллин («Аят»), Асхат Көлбаев («Ақтөбе»), Нұрсұлтан Пиялы («Ордабасы»), Александр Дерябин («Тюмень», Ресей). 

Айта кетейік, әзірге төрт турдың қорытындысы бойынша Қазақстан құрамасы 7 ұпаймен турнир кестесінде 2-орында тұр.

Естеріңізге салсақ, осыған дейін Дастан Сәтпаев пен Георгий Жуков құрамаға шақырту алғанын жазған болатынбыз.