Футзал: «Қайрат» пен «Семейдің элиталық кезеңдегі қарсыластары белгілі болды

АСТАНА. KAZINFORM - Қазақстандық «Қайрат» пен «Семей» командаларының футзалдан UEFA Чемпиондар лигасы элиталық кезеңіндегі қарсыластары анықталды.

Алматылық «Қайрат» элиталық кезеңде «Олмиссум» (Хорватия), «Этуаль» (Франция) және «Динамо» (Хорватия) клубтарымен B тобында сынға түседі. Бұл топтың ойындары Хорватияның Загреб қаласында өтеді.

Ал «Семей» элиталық кезеңде D тобында «Пальма» (Испания), «Лученец» (Словакия) және «Рекорд» (Польша) командаларымен шеберлік байқасады. Аталған ұжымдар Испанияның Мальорка қаласында топтағы жалғыз жолдаманы сарапқа салады. 

Айта кетсек, UEFA Чемпиондар лигасының элиталық кезеңі 26 қараша мен 1 желтоқсан аралығында өтеді. 

Еске салсақ, Алматы қаласында өткен аталған турнирдің негізгі кезеңінде «Семей» мен «Қайрат» элиталық кезеңге жолдама алған еді.