Футзалдан әлем чемпиондары Панаманың қақпасына 10 гол салды

АСТАНА. KAZINFORM — Кеше, 16 қыркүйекте Өзбекстанда өтіп жатқан футзалдан әлем чемпионатында алғашқы тур ойындары мәресіне жетті.

Бұл күні 2021 жылы әлем чемпионы Португалия Панама құрамасын 10:1 есебімен жеңіп, E тобында турнир кестесінде бірінші орынға табан тіреді. 

Аталған топта Марокко құрамасы Тәжікстаннан 4:2 есебімен басым түсті.

Сондай-ақ F тобында Иран Венесуэланы 7:1, Франция Гватемаланы 6:3 есебімен тізе бүктірді.

Енді 17 қыркүйекте А тобында Коста-Рика мен Нидерланд, Өзбекстан мен Парагвай кездессе, В тобында Таиланд пен Куба, Бразилия мен Хорватия шеберлік байқасады.

Еске салсақ, 15 қыркүйекте D тобында ойын көрсетіп жатқан Қазақстан құрамасы Испаниямен 1:1 есебіне қанағат білдірді.