Футзалдан Чемпиондар лигасы: «Аят» екінші ойында қарсыласына есе жіберді
АСТАНА. ҚазАқпарат - Қазақстандық «Аят» футзалдан UEFA Чемпиондар лигасының негізгі сатысындағы екінші ойынын өткізді, деп хабарлайды ҚазАқпарат тілшісі.
Екінші топта сынға түсіп жатқан рудныйлық команда Португалияның «Спортинг» клубымен шеберлік байқасты.
Бірінші кезеңде португалиялық командадан Диего Кавинато - 3, Паулета - 4, 6, Эрик - 15, Невес 19-минуттарда гол соқса, оған қазақстандық Азат Валиуллин 7-минутта бір голмен жауап қайырды.
Екінші кезеңде қарсылас команда сапынан Невес - 33, Мигель Анжело 37-минуттарда мергендік танытты.
Осылайша рудныйлық команда қарсыласына 1:7 есебімен жол берді.
Енді «Аят» үшінші кездесуінде 29 қазанда Хорватияның «Пула» командасымен шеберлік байқасады.
Еске салсақ, «Аят» бұдан бұрын Хорватияның «Ново Време» клубымен 2:2 есебімен тең түсті.
Сондай-ақ алматылық «Қайрат» алғашқы екі кездесуінде қарсыластарымен тең ойнады .
