Футзалдан ел чемпионаты: Жартылай финалға шыққан төрт команда анықталды

НҰР-CҰЛТАН. ҚазАқпарат - Футзалдан Қазақстан чемпионаты плей-офф сатысында жартылай финалға шыққан төрт команда анықталды, деп хабарлайды ҚазАқпарат тілшісі.

Турнирдің аталған кезеңінде командалар екі кездесуден өткізді. Жеңімпаз ұжым екі ойын нәтижесі бойынша анықталды.

Алматының «Қайраты» Көкшетаудың «Оқжетпесін» сүріндірді. Алғашқы ойында қарсыласын 6:0 есебімен тізе бүктірген алматылықтар қарымта кездесуде 11:0 есебімен басым түсті. Ал «Ақтөбе» Ақтаудың «Каспийін» (7:5, 5:3), «Атырау» оралдық «Байтеректі» (6:4, 5:4), рудныйлық «Аят» «Нұр-Сұлтанды» ( 5:2, 4:1) орта жолда қалдырып кетті.