Габи Кики «Ақтөбе» футбол клубының сапына қосылды
АСТАНА. KAZINFORM - Камерундық 28 жастағы орталық қорғаушы Габи Кики «Ақтөбе» футбол клубымен келісімшартқа қол қойды.
Габи Кики футболшы мансабын өз отанындағы «Бомс» клубында бастап, кейіннен «Эдинг Спорт» клубына ауысты.
Одан кейін футболшы Беларусьтің «Днепр» (Могилев), «Динамо-Брест» және «Рух» (Брест) клубтарында ойын көрсетті.
Беларусь чемпионы атанып, суперкубокты екі рет жеңіп алды.
2022-2023 жылдарда Молдованың «Шериф» командасы сапында екі дүркін чемпиондық атақты жеңіп алса, екі дүркін кубок иегері атанды.
Аталған клубпен бірге УЕФА Еуропа лигасының топтық кезеңінде екі мәрте бақ сынады.
Еске салсақ, бұдан бұрын Марат Быстров пен Рамазан Каримов «Астана» сапына қайта оралған еді.
