Галышева мен Городко фристайл-могулдан әлем кубогы кезеңінде үздік ондыққа енді

АСТАНА. KAZINFORM — Уотервиллде (АҚШ) фристайл-могулдан әлем кубогының кезеңі басталды.

Турнир аясында могулшылар жекелей сында бақ сынады. Қазақстандықтардан ең үздік нәтижені Юлия Галышева көрсетті. Ол 6-орынға тұрақтады. 

Анастасия Городко 9-орын алса, Аяулым Әмренова 26-орынмен аяқтады.

Ерлер арасында Павел Колмаков қорытынды кестеде 21-орынға жайғасса, Антон Бондарев 39-орын, ал Федор Бугаков 43-орын алды. 

Айта кетейік, 25 қаңтарда параллель могулдан жарыстар өтеді.

Еске салсақ, бұған дейін биатлоннан әлем кубогының кезеңінде қазақстандықтар спринтте қандай нәтиже көрсеткенін жазған едік.