Ғалымдар денедегі жағымсыз иістен арылтатын конфет ойлап тапты

АСТАНА. ҚазАқпарат - Қазір нарықта жағымсыз иістен арылтатын түрлі дезодораттар, спрейлер түрі баршылық. Алайда болгарлық компания денені жағымсыз иістен арылтатын бірегей зат ойлап тапты.

Ол - кәдімгі конфет. Шағын кәсіпорынның басшысы Венцислав Пейчев адамның сұлулығы іштен басталу керек деп тұжырымдайды, ал конфеттер болса оның бұл ойына дәлел.

"Deo Perfume Candy" деп аталатын конфеттер денедегі жағымсыз иісті кетіріп, керісінше оны хош иіске алмастыра алады. Нәтиже 6 сағатқа дейін сақталады, деп жазады шетелдік БАҚ.