Гандболдан Олимпиадаға іріктеу: Қазақстан құрамасы Ресейден жеңілді

НҰР-СҰЛТАН. ҚазАқпарат - Гандболдан Қазақстан әйелдер құрамасы Олимпиадаға іріктеу сатысындағы екінші кездесуін өткізді, деп хабарлайды ҚазАқпарат тілшісі.

Іріктеу ойындары Мажарстанда өтуде. Қазақстанның қарсыластары - Мажарстан, Ресей және Сербия құрамалары.

Алғашқы ойында қаазқстандық гандболшылар Мажарстаннан 19:46 есебімен жеңіліп қалды.

Ал Ресей Сербияны 29:24 есебімен тізе бүктірді.

Екінші кездесуде құрамамыз ресейлік спортшыларға лайықты қарсылық көрсетті. Бірінші кезеңде 17:16 есебі тіркелсе, екінші кезеңде 10:16 есебімен есе жіберді. Ойын нәтижесінде қарсыласына 26:33 есебімен жол берді.

Аталған топтағы Мажарстан Сербияны 31:23 есебімен тізе бүктірді.

Енді Қазақстан құрамасы 21 наурызда Сербиямен шеберлік байқасады.

Естеріңізге сала кетелік, құрамамыз 2008 жылы Олимпиада ойындарында бақ сынап, жалпы командалық есепте оныншы орынға табан тіреген болатын.

Айта кетейік, Қазақстан Токио Олимпиадасына 100 жолдама иеленуді жоспарлап отыр.