Ғани Бейсембаев сайлаудағы заңсыздықтар туралы: Мұғалімдердің бәріне топырақ шашу дұрыс емес
«Біріншіден, сайлау науқанына мұғалімдердің бәрі түгел қатыспағанын айтқым келеді. Белгілі бір 30 пайыз мөлшерде ғана... Екіншіден, Педагог мәртебесі туралы заңға байланысты сенбі-жексенбі күндері өткен сайлау мұғалімдерді жүктеуге тыйым салынғаны белгілі.
Ал мұғалім азамат ретінде, жұмыстан тыс, Сайлау заңына байланысты, заң шеңберінде қатысып жатса, оған, әрине, біз ешқандай шектеу қоя алмайтынымыз белгілі.
Дей тұрғанмен, Педагог мәртебесіне сәйкес, мұғалімдердің өз-өзін ұстауы, мәдениеті жағынан да міндетті түрде қарап отырмыз. Әлеуметтік желідгеі қатысты мұғалімдердің бәйәрекеттік мәселелерге қаншалықты қатысы бар екенін тексеру туралы тапсырма бердім. Соның бәрін қарап, жіті зерттеп, мұғадім бе, мұғалім емес пе, оның бәрін анықтау керек деп есептеймін», - деді ол Мәжіліс кулуарында.
Сондай-ақ,ведомство басшысы сайлау кезінде қандай да бір мұғалім тарапынан заң бұзылғаны дәлелденсе, мұғалім әдебі туралы нормалар бойынша тиісті шаралар қоданылатынынын түсіндірді.
«Қандай шара қолданатынымыз заң бұзу әрекетінің деңгейіне байланысты болады», - деді министрдің міндетін атқарушы.
БАҚ өкілдері Орталық сайлау комиссиясы мұғалімдер тарапынан заң бұзылғанын ресми мәілмдегенін еске салып, бұл келеңсіздіктер туралы ведомство басшысы не ойлайтынын сұрады.
«Сіз дұрыс айтып отырсыз. Оны менің тарапымнан құрылған комиссия анықтап, ұсыныс беруі керек. Өйткені әр нәрсеге жіті қарау керек қой. Себебі оның артында тағдыр тұр ғой. Кез келген адам заңсыз жазаланбауы керек. Бәрі әділетті болу керек деп есептеймін. Біз мұғалімдерге соншалықты деңгейде, бәріне бірдей топырақ шашу дұрыс емес деп ойлаймын. Өйткені елімізде 500 мыңға жуық мұғалім бар. Белгілі бір мұғалімдер ондай әрекеттерге барса, бүкіл мұғалімдерге ондай айып тағу артық шығар», - деді Ғани Бейсембаев.