Гарри Поттер телесериалының түсірілімі басталды

АСТАНА. KAZINFORM — «Гарри Поттер» телесериалының ресми түсірілім жұмыстары басталды. Америкалық HBO телекомпаниясы алғашқы кадрды жариялады — онда сиқыршы бейнесінде басты рөлді сомдайтын Доминик Маклафлин екені белгілі болды, деп жазды kino-teatr.ru.

 

 

Гермиона Грейнджердің рөлін Арабелла Стэнтон сомдайды, ал Рон Уизли ретінде Аластер Стаут таңдалды.

Бүгін сериалдың 2027 жылы жарыққа шығатыны белгілі болды. Сонымен қатар актерлік құрамның жаңа мүшелері де жарияланды:

• Невилл Долгопупс — Рори Уилмот,

• Дадли Дурслі — Амос Китсон,

• мырза Олливандер — Антон Лессер,

• Роланда Трюк — Луиза Брили.

Бұл телехикая бестселлер кітаптардың нақты бейімделген нұсқасы ретінде сипатталады.

Сиқырлы әлемнің авторы Джоан Роулинг – жобаның атқарушы продюсері.

Франческа Гардинер – сериалдың сценарисі әрі атқарушы продюсері.

Сондай-ақ, Марк Майлод бірнеше эпизодтың режиссері және продюсері ретінде жұмыс істейді.

Еске сала кетейік, маусым айында HBO телекомпаниясы «Гарри Поттер» сериалындағы рөлдерге қатысуға мақұлданған тағы жеті актердің есімін жариялаған болатын.