Газада гуманитарлық көмек тарату кезінде 50 шақты адам жараланды
АСТАНА. KAZINFORM — БҰҰ мен халықаралық гуманитарлық ұйымдар гуманитарлық азық-түлікті таратудың жаңа жүйесін сынға алды, деп хабарлайды Kazinform тілшісі.
Сейсенбі күні Рафахтың оңтүстігінде орналасқан жаңа азық-түлік тарату пунктіне бет алған топқа Израиль әскерлерінің оқ жаудыруы салдарынан кем деген бір палестиналық қаза тауып, 48 адам жараланды. Бұл туралы Газа денсаулық сақтау министрлігі мәлімдеді.
Жаңа тарату орталығын АҚШ пен Израиль қолдайтын Газа гуманитарлық қоры (GHF) ашты. Осы аптада жұмыс істей бастаған механизм гуманитарлық жүктерді жеткізуге арналған қолданыстағы жүйені алмастырып, көмектің ХАМАС содырларына жетуіне жол бермеуі тиіс.
🚨Thousands of starved Gazans storm the dystopian Israeli-American aid complex in Rafah after being forced to stand in endless queues & bake in the sun in a fenced concentration camp while being subjected to biometric surveillance
— Muhammad Shehada (@muhammadshehad2) May 27, 2025
US mercenaries & Israeli troops are opening fire pic.twitter.com/vd22T4WSLg
Associated Press агенттігінің хабарлауынша, оқиға кезінде Израиль күштері танктер мен артиллериядан оқ жаудырған. БҰҰ Адам құқықтары жөніндегі басқармасының өкілі Аджит Сунгай жараланғандардың көпшілігі оқ жарақатын алғанын айтты.
Израильдің жаңа құрылым қауіпсіз әрі тиімді деген мәлімдемесіне қарамастан, халықаралық гуманитарлық ұйымдар, соның ішінде БҰҰ оның жұмысына қатысудан бас тартты. Олар бұл жүйе Газа секторында тұратын 2,3 миллион адамның қажеттілігін қанағаттандырмайды және халыққа қысым жасау үшін қолданылуы мүмкін екенін ескертті.
Олар аумақтық жағдайға байланысты азық-түлікті бақылау гуманитарлық ережелер мен халықаралық құқықты бұзады дейді.
Газа гуманитарлық қоры төрт орталық ашты, оның екеуі қазірдің өзінде жұмыс істеп тұр. Оларды жеке мердігерлер күзетеді, ал кіру әскери қондырғыларға ұқсайтын тар дәліздер арқылы жүзеге асырылады. Қор оның сақшылары күш қолданбағанын және оқиға кезінде аймақты тастап кеткенін айтады.
🚨BREAKING : Thousands of starved Gazans stormed the dystopian Israeli-American aid complex in west Rafah after being forced to stand in endless queues under the scorching sun inside a fenced camp, subjected to biometric surveillance.
— Gaza Notifications (@gazanotice) May 27, 2025
The US-Israeli backed “Gaza Humanitarian… pic.twitter.com/DaYbaOblxb
Ал Израиль әскері Рафах пен анклавтың қалған бөлігі арасындағы әскери буферлік аймақ саналатын Мораг дәлізін патрульдеу жұмыстарын жалғастырып жатыр.
Израиль премьер-министрі Биньямин Нетаньяху жағдайға түсініктеме бере отырып, «біраз уақыт бақылаудан айырылғанын» мойындады, бірақ жағдай тез арада тұрақталғанын айтты. Ол ХАМАС-пен соғыс жалғасып жатқан кезде анклавтың барлық тұрғынын сектордың оңтүстігіндегі «зарарсыз аймаққа» көшіру ниетін қайталап айтты.
Халықаралық ұйымдар бұрынғы тәуелсіз көмек тарату желісін сақтауды талап етеді, олардың пікірінше, бұл гуманитарлық дағдарыс кезінде палестиналықтарды қамтамасыз етудің жалғыз тиімді және этикалық тұрғыдан қолайлы жолы.
ХАМАС бұған дейін Уиткоффтың атысты тоқтату ұсынысымен келіскенін жариялаған, бірақ Израиль бұл жоспарды үкіметтің ұстанымымен сәйкес келмейтінін айтып, қабылдамады.
