Газадағы көмек көрсету пунктінде 27 палестиналық мерт болды
АСТАНА.KAZINFORM — Рафах қаласындағы гуманитарлық пунктте азық-түлік тарату тағы да адам шығынына әкеп соқты, Израиль әскерилерінің оқ жаудыруы салдарынан ондаған адам қаза тауып, жараланды, деп хабарлайды Kazinform тілшісі.
Израиль әскерлері Газа секторының оңтүстігіндегі Рафах аймағындағы гуманитарлық көмек тарату орталығының маңында оқ жаудырып, кем дегенде 27 палестиналық қаза тауып, ондаған адам жараланды, деп хабарлады денсаулық сақтау органдары сейсенбі күні.
Бұл азық-түлік тарату кезіндегі хаос жағдайында жаппай қаза таьулар болған үшінші оқиға.
Израиль армиясы жауап беріп, оның бөлімшелері «бағытынан адасып кеткен күдіктілерді» байқап, алдымен ескерту оқтарын жаудырған.
Израиль әскерилері оқиғаның тергеліп жатқанын айтты.
Халықаралық Қызыл Крест комитетінің хабарлауынша, сейсенбі күні 184 жаралы Рафахтағы далалық ауруханаға жатқызылған. Жеткенде 19 адам өлді деп жарияланды, ал қалған сегіз адам алған жарақаттарынан қайтыс болды. 35-тен астам науқас шұғыл ота жасауды қажет етеді.
Оқиға АҚШ қолдайтын Газа гуманитарлық көмек қоры (GHAAF) халықаралық агенттіктер арқылы бұрынғы әдістерді айналып өтіп, анклав халқына көмек жеткізу әрекеттерін кеңейтіп жатқан кезде орын алды. Израиль қолдайтын ұйым сейсенбі күні таңертең 21 жүк көлігі азық-түлік жеткізілгенін және «объект ішіндегі операция қауіпсіз болғанын» айтты. Алайда соңғы күндері көмек көрсету пункттерінде де адам өлімі тіркелді.
Жексенбі күні кемінде 31 адам, дүйсенбіде тағы үш адам қаза тапты. Израиль бейбіт тұрғындарды нысанаға алғанын жоққа шығарып, жексенбі күнгі өлім туралы хабарларды ХАМАС «ойдан шығарған» деп мәлімдеді.
Израиль дүйсенбі күні Газаның оңтүстігіндегі Хан Юнис аудандарының тұрғындарын эвакуациялау туралы жаңа бұйрық жариялап, бұл аймақтағы содырларға қарсы әрі қарай әскери қимылдар жасалатынын ескертті. Билік тұрғындарды Израиль гуманитарлық аймақ деп атайтын әл-Маваси аймағына көшуге шақырды.
Алайда, БҰҰ мен Палестина шенеуніктері анклавта қауіпсіз жер қалмағанын және анклавтағы 2,3 миллион адамның көпшілігі ел ішінде көшіп-қонғанын алға тартады.
Газаның денсаулық сақтау министрлігі болса, эвакуация туралы жаңа бұйрықтар Насер ауруханасын жауып тастауы мүмкін екенін ескертті, бұл жолақтың оңтүстік бөлігіндегі ең үлкен аурухана, науқастардың өміріне қауіп төндіреді.
Израильдің Газадағы операциясы 2023 жылдың 7 қазанынан бері, Израиль мәліметтері бойынша 1200 адамды өлтіріп, 251 адамды кепілге алған ХАМАС шабуылы жасалған күннен бастап жалғасуда. Палестина билігінің мәліметі бойынша, сол уақыттан бері Израильдің әскери әрекеті нәтижесінде анклавта 54 мыңнан астам палестиналық қаза тапқан.
Жақында АҚШ-тың арнайы өкілі Стив Уиткофф ХАМАС-тың АҚШ-тың Газа бойынша ұсынысына берген жауабын қабылданбайды, ал БҰҰ Газа секторын «жердегі ең аштық жайлаған жер» деп атады.
Бұған дейін хабарланғандай, Израиль Газа секторына барлық тұрақты әскери бригадаларын кіргізді.
